Sajak

Silalatu

Ku Nining Novianti

Ngaleut ngeungkeuy muslimin muslimat

Rampak léngkah tingguurudug

Patembalan jeung bedug kabuyutan

 dag dig dug

Ngagedagkeun ati nu bangkenu

Ngajak mangsa nu lalar liwat

Rangkeung tingkaretit obor

Ngagedurkeun sumanget nyambat illahi

Lailahaillaloh nanceb dina implengan

Seuneu hurung nguntab-nguntab

Silalatu lalumpatan paudag-udag

Ngudag harepan jeung implengan

Tingkariceup mapay jalan ka langit

Panas...ngoléab...beuki angot.

Balé-balé, 10 muharam